Pallati i Qelqtë – Sabahattin Ali

Botuar vetëm një vit para vdekjes së autorit, kjo vepër është e fundit e Sabahattin Ali dhe rrjedhimisht reflekton pjekurinë e tij më të madhe artistike. I njohur për penën e tij ironike, Ali pasqyron fenomene sociale dhe politike nga pikëpamja e njerëzve të thjeshtë të shoqërisë. Ndërkohë që tregimet janë kryesisht situata të përditshme të hasura nga personazhi i shkrimtarit, përrallat japin mesazhe më të drejtpërdrejta ndaj situatave shoqërore dhe politike, duke theksuar ekuilibrat e fuqisë midis pushtetarëve dhe popullit. Edhe pse të shkruara në vitet ’40 në Stamboll, tregimet e Sabahattin Ali pasqyrojnë fenomene dhe parime universale të shoqërisë njerëzore, duke i bërë ato të prekshme edhe në ditët tona.